2022 гъэм фокIадэм и 10-м Псыхуабэ, Черкесск щIыналъэхэм я архиепископ
Феофилакт тхьэлъэIу лиутргиер щригъэкIуэкIащ КъБР-м и Тырныауз къалэм
Георгиевскэ члисэм.
Щоджэн нэхъыщхьэм къулыкъур драгъэкIуэкIащ Псыхуабэ епархием
Налшык щиIэ округым и благочиннэ щоджэн нэхъыжь Бобылев Валентин, члисэм
и унафэщI щоджэн Горкавченкэ Максим, къардэн Нестеренкэ Сергий. Пастыр
нэхъыщхьэм и гъусэу Тхьэ елъэIуащ къалэдэсхэр.
ТхьэлъэIу нэужьым Щихънагъым фIэщхъуныгъэ зиIэхэм захуигъэзащ,
екIуэлIапIэм кIуэхэм епсэлъащ, члисэм и Iэгъуэблагъуэм зыщиплъыхьащ.
«Апхуэдэу зэман кIэщIым Санкт-Петербург и духовнэ школыр къэзыуха Максим
екIуэлIапIэм кIуэхэм ягу зэрыдыхьар гуапэщ. Чристэн зэгухьэныгъэр зэрылажьэр
солъагъу», - жиIащ пастыр нэхъыщхьэм.
Псыхуабэ епархиер дэIэпыкъуащ унафэщIым и псэупIэр
зэрагъэпэщыжынымкIэ. Архиепископ Феофилакт зыхигъэгъуэзащ лэжьыгъэхэм
икIи щоджэным и фэтэрыр игъэнэхуащ.