2022 гъэм фокIадэм и 3-м, Тхьэм и Анэм и Дон теплъэм и махуэм
ирихьэлIэу, Псыхуабэ, Черкесск щIыналъэхэм я архиепископ Феофилакт, пастыр
нэхъыщхьэхэм я гъусэу Дон митрополием и Iэтащхьэ, Ростовскрэ Новочеркасскрэ
я митрополит Меркурий и гъусэу Тхьэм и Анэм и Хъуромэ Ростовскэ члисэ
зэхуэхьэсам къулыкъу щащIащ.
Митрополит Меркурий къулыкъу дищIащ Саранскрэ Мордовскрэ я
митрополит Зиновий, Екатеринодарскрэ Кубанскрэ я митрополит Григорий,
Элистинскрэ Калмыцкрэ я архиепископ Юстиниан, Якутскрэ Ленскрэ я
архиепископ Роман, Волгодонскрэ Сальскрэ я епископ Антоний, Ростовск-на-Дону
и викарий, епархием и епископ Таганрогск Артемий, Ростов кафедральнэ члисэ
зэхуэхьэсам и унафэщI щоджэн Дмитриев Леонтий, Ростовскэ-на-Дону епархием и
Епархие советым хэтхэр, епархием и щоджэн, Епархием и управленэм и
секретарь, пастыр нэхъыщхьэхэм я гъусэу къэкIуа щоджэнхэр. Архиепископ
Феофилакт и гъусэу къэкIуащ Псыхуабэ епархием и Административнэ
секретариатым и унафэщI щоджэн Яковенкэ Илия.
2022 гъэм фокIадэм и 4-м, Тхьэм и Анэм и «Донская» тхьэнапэр
щагъэлъапIэм, Дон митрополием и Iэтащхьэ, Ростовскрэ Новочеркасскрэ я
митрополит Меркурий тхьэлъэIу литургие щригъэкIуэкIащ Дон Iус Ростов Тхьэм и
Анэм и Хъуромэ кафедральнэ члисэ зэхуэхьэсам.
Абы къулыкъур драгъэкIуэкIащ Ставропольскэ митрополием и Iэтащхьэ,
къэзакъхэм ядэлэжьэнымкIэ Синод комитетым и унафэщI, Ставропольскрэ
Невинномыскрэ я митрополит Кирилл, Мордовскэ митрополием и Iэтащхьэ,
Саранскрэ Моровскрэ я митрополит Зиновий, Кубанскэ митрополием и Iэтащхьэ,
Екатериноградскрэ Кубанскрэ я митрополит Григорий, Элистинскрэ Калмыцкрэ я
архиепископ Юстиниан, Псыхуабэ, Черкесск щIыналъэхэм я архиепископ
Феофилакт, Якутскрэ Ленскрэ я архиепископ Роман, Волгодонскрэ Сальскрэ я
епископ Антоний, Ростов епархием и викарий, Таганрогск и епископ Артемий, Дон
митрополием и щоджэнхэр, зи пастыр нэхъыщхьэхэм я гъусэу зэхыхьэм къэкIуа
щоджэнхэр.
ТхьэлъэIум хэтащ Ростов областым и Губернатор Голубев Василий, Ростов
областым Унафэ къыдэзыгъэкI и зэхуэсым и УнафэщI Ищенкэ Александр, УФ-м и
Президентым и полномочнэ лIыкIуэу КИФЩI-м щыIэм и къуэдзэ Гурбэ Владимир,
Доныдзэм и атаман Бодряков Сергей, Ростов областым и юртхэм я атаманхэмрэ
къэзакъхэмрэ, екIуэлIапIэм кIуэхэмрэ щIыналъэ лъапIэм Тхьэ елъэIуну
къэкIуахэмрэ.
ТхьэлъэIу нэужьым зэгъусэ тхьэлъэIу щрагъэкIуэкIащ Тхьэм и Анэм и Дон
теплъэм деж Соборнэ утым, щихъ Димитрий и фэеплъым деж, Ростовск и
митрополитым. Зэгъусэ тхьэлъэIу нэужьым фIэхъускIэ я хэкуэгъухэм захуигъэзащ
Ростов областым и Губернатор Голубев Василий, ДоныщIыр Тхьэм сыт щыгъуи
къызэрихъумар ягу къигъэкIыжу. Апхуэдэу къыхигъэщащ нобэ цIыхубэр
фIэщхъуныгъэ зэрыхуэныкъуэр.