Кубан къэзакъыдзэм и къэзакъхэм – Япэ дунейпсо зауэм и лIыхъужь Георгий жорым и кавалеристхэу медалхэр зыхуагъэфэщахэм КъШР-м и Исправнэ станицэм и Михайловскэ члисэм фэеплъ дапхъэхэр къыхузэIуахащ.
Зэхыхьэм хэтащ Гуманитар къэхутэныгъэхэмкIэ Къэрэшей-Шэрджэс институт КъШР-м и Правительствэм и лэжьакIуэ нэхъыжь Кратовэ Наталье, Отраднэ районым и тхыдэдж-архивистхэм я зэгухьэныгъэ щихъ Летописец Нестор и цIэр зезыхьэм и УнафэщI Немченкэ Сергей, члисэм и унафэщI щоджэн Якушев Александр, къуажэ администрацэм и Iэтащхьэ Березовский Александр.
Мазэ зыбжанэкIэ зэхагъэуващ Баталпашинскэ, Усть-Джегутинскэ, Зеленчукскэ, Кардоникскэ, Сторожевой, Исправнэ станицэхэм щыщу Георгий и кавалерхэм я цIэхэр. А лэжьыгъэр зэфIахащ щIэныгъэлI Стрелянов Павел, Черкесск къалэм и Никольскэ члисэ зэхуэхьэсам щыIэ Баталпашинскэ тхыдэ зэгухьэныгъэм хэтхэр щIыгъуу, тхыдэдж, лъахэхутэу 20 зыхыхьэр.
Георгий и кавалер къэзакъхэм я фэеплъыр мыгъэкIуэдыжыным теухуа лэжьыгъэхэм пащэ.