2022 гъэм шыщхьэуIум и 18-м, Преображения махуэшхуэм, Псыхуабэ, Черкесск щIыналъэхэм я архиепископ Феофилакт махуэшхуэ тхьэлъэIур Псыхуабэ и Спасскэ кафедральнэ члисэ зэхуэхьэсам щригъэкIуэкIащ, члисэм и щоджэнхэм я гъусэу. Щихънагъым къулыкъур иригъэкIуэкIащ, махуэшхуэ Инджылым къеджащ, фIэщхъуныгъэ зиIэхэм гъэнэхуа дагъэм щыщ ящихуащ.
2022 гъэм шыщхьэуIум и 19-м, махуэшхуэм, архиепископ Феофилакт тхьэлъэIу литургиер щригъэкIуэкIащ Спасскэ члисэ зэхуэхьэсам. Пастыр нэхъыщхьэм и гъусэу Тхьэ елъэIуащ Псыхуабэ щыпсэухэмрэ зыгъэпсэхупIэм и хьэщIэхэмрэ. Литургием хыхьэу Щихънагъым къардэн Горшков Герман и пресвитор къулыкъур иригъэкIуэкIащ. ТхьэлъэIу нэужьым щоджэн нэхъыщхьэм члисэ зэхуэхьэсам екIуалIэхэм я жызумымрэ мыIэрысэмрэ игъэнэхуащ.