гъэм шыщхьэуIум 12-м, Тхьэм папщIэ бэлыхь куэд зрагъэшэча Воин Иоанн и
фэеплъ махуэм, Псыхуабэ, Черкесск щIыналъэхэм я архиепископ Феофилакт тхьэлъэIу
литургие щригъэкIуэкIащ Звёзднэ къуажэм и члисэм.
Щоджэн нэхъыщхьэм къулыкъур драгъэкIуэкIащ Псыхуабэ епархием Налшык
щиIэ округым и щоджэнхэм благочиннэ щоджэн нэхъыжь Бобылев Валентинрэ къардэн
нэхъыжь Кубэ Димитрийрэ. Пастыр нэхъыщхьэм и гъусэ Тхьэ елъэIуащ къуажэдэсхэмрэ
Къэбэрдей-Балъкъэрым и къалащхьэм икIыу щIыналъэ лъапIэм Тхьэ елъэIуну кIуахэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, члисэр
къэзыхъумэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.
Апхуэдэу архиепископ Феофилакт Бахъсэн къалэм и Покров члисэм и унафэщI щоджэн
нэхъыжь Байзулаев Василий иритащ "За труды на благо Пятигорской епархии" медалым и
III нагъыщэр, и лэжьыгъэфIхэмрэ илъэс 20 хъуауэ щоджэн къулыкъур зэрырихьэкIымрэ
папщIэ.