2022 гъэм бадзэуэгъуэм и 11-м, щихъхэм, апостолхэу Петррэ Павелрэ я махуэшхуэм и пэ къихуэу, Псыхуабэ, Черкесск щIыналъэхэм я архиепископ Феофилакт тхьэлъэIур щригъэкIуэкIащ ЕссэнтIыгу къалэм и Петропавловскэ члисэм.
Щоджэн нэхъыщхьэм къулыкъур драгъэкIуэкIащ: Псыхуабэ епархием и Административнэ секретариатым и унафэщI щоджэн Яковенкэ Илия, ЕссэнтIыгу члисэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ члисэм и тхьэмахуэ школым и гъэсэнхэр, алыджхэм я зэгухьэныгъэм и лIыкIуэхэр, къалэдэсхэр, щIыналъэ лъапIэм Тхьэ елъэIуну кIуахэр.
Щихънагъыр махуэшхуэ Инджылым къеджащ, екIуэлIапIэм кIуэхэм гъэнэхуа дагъэм щыщ ящихуащ, фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым архиепископ Феофилакт члисэм и ктитор Павел Алексов, щоджэнхэм я гъусэу члисэ комплексым зыщиплъыхьащ. Павел Пастыр нэхъыщхьэм иритащ члисэ комплексым и зыужьыныгъэм и планыр.