2022 гъэм бадзэуэгъуэм и 6-м, Тхьэм и Анэм и Владимирскэ тхьэнапэм и махуэр щагъэлъапIэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Тхьэм и Анэм и Владимирскэ тхьэнапэ Новопавловск къалэм щыIэм.
Щоджэн нэхъыщхьэм къулыкъур драгъэкIуэкIащ Псыхуабэ епархием Новопавловск округым и щоджэнхэм благочиннэ щоджэн Гордин Александррэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къэзакъхэр, чристэн щIалэгъуалэмрэ къалэдэсхэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм и Анэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.