2022 гъэм мэкъуауэгъуэм и 24-м Кисловодск къалэм и Чристэн Свято-Никольскэ классическэ гимназием аттестатхэр щратыжащ 9-11 классыр къэзыуххэм.
ЕджапIэр къэзыуххэр, адэ-анэхэр, егъэджакIуэхэр Никольскэ члисэ зэхуэхьэсам и фIыщIэ тхьэлъэIум щызэхуэсащ. Ар иригъэкIуэкIащ Гимназием и унафэщI щоджэн нэхъыжь Знаменский Иоанн. ТхьэлъэIу уэрэдыр жаIащ школыр къэзыуххэм. ТхьэлъэIум и пэ къихуэу Иоанн гимназием и унафэщI Псыхуабэ, Черкесск щIыналъэхэм я архиепископ Феофилакт зыхуигъэзащ.
ФIыщIэ тхьэлъэIум иужькIэ унафэщIым аттестатхэр яритыжащ еджапIэр къэзыуххэм. ЦIыхуихым иратащ УФ-м «ЩIэныгъэм зэфIэкI ин зэрыщигъэлъагъуэм папщIэ», Ставрополь крайм «ЩIэныгъэм зэфIэкI ин къызэрыщагъэлъэгъуам папщIэ» дыщэ медалхэр. Аттестатхэм я гъусэу псоми иратащ ХъыбарыфIхэр зэрыт тхылъ лъапIэр.
Школыр къэзыуххэм ехъуэхъуащ къалэ Думэм и унафэщI Волошинэ Любовь, къалэ администрацэм, Кисловодск егъэджэныгъэмкIэ и Управленэм я лIыкIуэхэр.
Сабийхэм я гъэсэныгъэм, гимназием и гъащIэм жыджэру зэрыхэтым папщIэ щоджэн нэхъыжь Знаменский Иоанн ныбжьыщIэхэм я адэ-анэхэм фIыщIэ тхылъхэр яритащ, класс унафэщIымрэ унафэщIым и къуэдзэ Рочевэ Иринэрэ гимназием и хъумакIуэ, щихъ, телъыджэ къэзыгъэхъу Николай и теплъэр тыгъэ яхуищIащ. ЕджапIэр къэызыухахэмрэ адэ-анэхэмрэ унафэщIымрэ егъэджакIуэхэмрэ фIыщIэ яхуищIащ.
А махуэ дыдэм аттестатхэр яритыжащ 9 класср къэзыуххэм. Гмназием и унафэщI Знаменский Иоанн ебгъуанэ классыр къэзыуххэм ехъуэхъуащ экзаменхэр ехъулIэныгъэхэр яIэу зэратам папщIэ икIи аттестатхэр яритыжащ. Иоанн къыхигъэщащ 9 классым я класс унафэщI Литвиновэ Галинэ илъэс 50 юбилейр зэригъэлъэпIам папщIэ. Гимназиер къэзыуха, Чристэн фIэщхъуныгъэмкIэ егъэджакIуэ иеромонах Иоанн (Галумов) 9 классыр къэзыуххэм ехъуэхъуащ я фIэщхъуныгъэм емыпцIыжыну, гуапагъэр зэпымыууэ мыхъумыщIагъэм щытекIуэну.
Члисэ зэхуэхьэсам гуфIэгъуэ зэхыхьэр и кIэм нэблэгъа нэужь егъэджакIуэхэмрэ адэ-анэхэмрэ махуэшхуэм щыпащащ гимназием и актовэ пэшым, концерт щекIуэкIам.