2022 гъэм мэкъуауэгъуэм и 1-м, Сабийхэр хъумэным я дунейпсо махуэм, Псыхуабэ, Черкесск щIыналъэхэм я архиепископ Феофилакт и зэIущIэкIэ къызэIуахащ инклюзивнэ гъэмахуэ зыгъэпсэхугъуэр. 2015 гъэм щыщIэдзауэ зи узыншагъэм къимыхь щIалэгъуалэм я нэгу зрагъэужьын папщIэ Псыхуабэ епархием и «ДыгъафIэ къалэ» центрым щызэхуешэс.
НыбжьыщIэхэр волонтёрхэм йопсалъэ, зыхуеину Iуэхугъуэхэм зыхуагъасэ, зыр адрейм доIэпыкъу.
Шей ефэу Щихънагъыр IэщIагъэлIхэмрэ центрым и нэIэм щIэтхэмрэ епсэлъащ. Архиепископ Феофилакт фIыщIэ хуищIащ СГПИ-м и волонтёр-студентхэм. «Я зэфIэкIым къыдэкIуэу я цIыхугъэми зэрыхагъахъуэр гуапэщ. Духовнэ гъащIэми зыхагъэгъуазэ», - жиIащ Пастыр нэхъыщхьэм.
Архиепископ Феофилакт зэхуэсым хэтхэм саугъэтхэр яритащ.