Члисэ тхыдэмрэ къэзакъыгъэмкIэ музей Черкесск къалэм и Никольскэ члисэ зэхуэхьэсам хьэщIэхэр ирегъэблагъэ. 2022 гъэм накъыгъэм и 28-м япэу музейм щыIащ Усть-Джегуты къалэм и сабий унэм и гъэсэнхэмрэ Ставрополь епархием икIыу щIыналъэ лъапIэм Тхьэ елъэIуну кIуахэмрэ. ХьэщIэхэм яхутепсэлъыхьащ Кавказ Ищхъэрэм и Чристэн динымрэ къэзакъыгъэмрэ, хьэпшып лъапIэхэр ягъэлъэгъуащ, махуэ къэс къагъэсэбэпхэр, къэзакъ фэилъхьэгъуэхэр. ХьэщIэхэр еплъащ Никольскэ члисэ зэхуэхьэсам и тхьэнапэхэм, уэзджынэ уапIэм дэкIуеящ. ЗыплъыхьакIуэ нэужьым музейм екIуэлIахэм шэджэгъуашхэ ирагъэщIащ.