2022 гъэм накъыгъэм и 24-м, щихъ апостол пэлъытэхэу Мефодийрэ Кириллрэ я фэеплъ махуэм, Словен егъэджак1уэхэм, Псыхуабэ, Черкесск щ1ыналъэхэм я архиепископ Феофилакт, Урыс Чристэн Члисэм и пастыр нэхъыщхьэхэм я гъусэу, Москварэ Урысей псомрэ я Патриарх Кирилл къулыкъур щыдригъэк1уэк1ащ Москва къалэм Къегъэлак1уэ Христос и ц1эр зезыхьэ и члисэм.
Урыс Чристэн Члисэм и сайтым къызэрыщыхьамк1э, ектением хыхьэу, Патриарх Кирилл и тезоименитэм теухуа лъэ1ук1э зыхуагъэзащ. Митрополит Ювеналий ф1ыщ1э тхьэлъэ1ум къеджащ Иисус Христос зыхуигъазэри, блэк1а илъэс блыщ1ым къриубыдэу зэф1иха лэжьыгъэхэм папщ1э.
Литургие нэужьым апостол пэлъытэхэу Мефодийрэ Кириллрэ ягъэлъэп1ащ. Иужьк1э Патриарх Кирилл ф1ыщ1э хуащ1ащ.
Митрополит Ювеналий (Поярков) хъуэхъук1э къеджащ Урыс Чристэн Члисэм и Синод Лъап1эм хэтхэм Патриарх Кирилл зэрызыкъыхуагъэзамк1э илъэс 75-рэ хъуауэ и къулыкъум зэрыпэрытым папщ1э ик1и панагиймрэ удз гъэгъа хужьхэмрэ тыгъэ хуищ1ащ.
Урыс Чристэн Члисэм и унафэщ1ым тхьэлъэ1ум хэтхэм захуигъэзащ узэщ1ыныгъэ псалъэк1э.
Урысей Федерацэм и Президент Путин Владимир и ц1эк1э Патриарх Кирилл ехъуэхъуащ УФ-м и Президентым и полномочнэ л1ык1уэу федеральнэ округ нэхъыщхьэм щы1э Щеголев И. О.
Къык1элъык1уэу дамыгъэ лъап1эхэр ятащ. Москварэ Урысей псомрэ я Патриарх Кирилл тхьэлъэ1ум хэтхэм ехъуэхъуащ.
Архиепископ Феофилакт гуапэу ехъуэхъуащ Пастыр нэхъыщхьэм щоджэнхэмрэ и унафэм щ1эт епархием и лэжьак1уэхэмрэ къабгъэдэк1ыу.