2022 гъэм накъыгъэм и 21-м, апостол Богослов Иоанн и фэеплъ махуэм ирихьэлIэу, ЕссэнтIыгу къалэм и Петропавловскэ члисэ комплексым и Iэгъуэблагъуэм щекIуэкIащ епархиием и «Двенадцать апостолов» щIалэгъуалэ квестыр.
Джэгум и пэ къихуэу тхьэлъэIу литургиер иригъэкIуэкIащ щIалэгъуалэ къудмэм и унафэщI щоджэн Яковенкэ Илия Псыхуабэ епархием ЕссэтIыгу щиIэ округым и благочиннэ щоджэн нэхъыжь Фещенкэ Стефан, члисэм и унафэщI щоджэн Гриценкэ Виталий, благочинием и щоджэнхэр я дэIэпыкъуэгъуу.
Квестым хэтыну зэхуэсащ епархием и благочиние псоми щыщхэр. Щоджэн Яковенкэ Илия Псыхуабэ, Черкесск щIыналъэхэм я архиепископ Феофилакт къыбгъэдэкIыу фIыщIэ яхуищIащ, хьэщIэхэм махуэшхуэмкIэ ехъуэхъуащ.
Квестым и гугъу яхуищIа нэужь, джэгум и ужь ихьахэщ. Апостол 12-м ятеухуа упщIэхэм жэуап иратыным къыдэкIуэу, станцэхэр зэкIэлъахьыну къапэщылът.
ЕджакIуэхэр псори Iуэхум пэлъэщащ. Псыхуабэ округым и гупыр къыхэжаныкIащ, упщIэ псоми пэжу жэуап иратри. Япэ увыпIэм папщIэ сертификатхэр къратащ Кавказ Ищхъэрэм и щIыпIэ лъапIэхэм кIуэну епархием и паломническэ IуэхущIапIэм къыбгъэдэкIыу. Налшык, Ипщэ Къэрэшей-Шэрджэс округхэм я гупхэм етIуанэ, ещанэ увыпIэхэр къахьащ. Абыхэм щIыхь тхылъхэмрэ саугъэтхэмрэ иратащ.