2022 гъэм накъыгъэм и 12-м Псыхуабэ, Черкесск щIыналъэхэм я архиепископ Феофилакт IутIыж фIыщIэ тхьэлъэIур Кисловодск и Никольскэ члисэ зэхуэхьэсам щригъэкIуэкIащ Чристэн Свято-Никольскэ классическэ гимназиер илъэс 30 зэрырикъум папщIэ. Щоджэн нэхъыщхьэм къулыкъур драгъэкIуэкIащ Псыхуабэ еапрхием и щоджэнхэмрэ хьэщIэхэмрэ. ТхьэлъэIу уэрэдхэр жаащ гимназием и хорым хэтхэм.
ТхьэлъэIу нэужьым Пастыр нэхъыщхьэм яритащ «За труды на благо Пятигорской епархии» медалыр гимназием и щоджэн нэхъыжь Знаменский Иоаннрэ чристэн школым и лэжьакIуэхэмрэ: Рочевэ Иринэрэ Синявскэ атьянэрэ, Попечительскэ советым хэт Сердюк Любовь. Щоджэн нэхъыщхьэм и щIыхь тхылъхэр щаритащ Щихънагъым члисэмрэ «Крепость» санаторэмрэ.
Архиепископ Феофилакт дамыгъэ нэхъыщхьэу итащ «За труды по духовно-нравственному просвещению» Патриаршэ знакыр. Дамыгъэр иратащ гимназием и унафэщIым и къуэдзэ Знаменская Ольгэ. Дин егъэджэныгъэмрэ катехизацэмкIэ Синод къудамэм и щIыхь тхылъыр Щихънагъым иритащ гимназием и щоджэн нэхъыжь Чеканов Димитрийрэ Попечительскэ советым и унафэщI Чекановэ Анастасиерэ, Игнаенкэ Еленэ, Шевченкэ Марие, Манская Ксение, Зайцевэ Еленэ, Некрасовэ Наталье, «Крепость» санаторэм и унафэщI Тырнов Петр.
Зэхыхьэм хэтхэм фIэхъускIэ захуигъэзащ Кисловодск Думэмрэ Администрацэмрэ я лIыкIуэхэм, къалэ-зыгъэпсэхупIэм егъэджэныгъэмкIэ и управленэм. Апхуэдэу абыхэми егъэджакIуэхэмрэ гимназием и лэжьакIуэхэмрэ дамыгъэхэр иратащ.
Юбилейр концерткIэ зэхуащIыжащ, гимназием и гъэсэнхэм махуэшхуэм и хьэщIэхэм ягъэхьэзырар.