2022 гъэм накъыгъэм и 17-м Минводы и Благовещенскэ члисэм щекIуэкIащ регент Iэзагъэм и лъабжьэхэм я факультативыр. Ар Псыхуабэ епархиемрэ Ставрополь крайм и музыкэ колледж Сафонов В. И. и цIэр зезыхьэмрэ я зэгъусэ проектщ. ИлъэсипщIым къриубыдэу курсым и егъэджакIуэхэм IэщIагъэлIи 118-рэ ягъэхьэзыращ члисэ уэрэдхэр жыIэнымкIэ.
Мы гъэм Псыхуабэ, Георгиевскэ, Орловскэ епархиехэм цIыхуий къыщIэкIащ, регент практикэмкIэ, члисэ уэрэд жыIэнымкIэ, тхьэлъэIу уставымкIэ, члисэбзэмкIэ экзаменхэр ятащ.
Дипломхэр яритащ Псыхуабэ, Черкесск щIыналъэхэм я архиепископ Феофилакт. Псыхуабэ епархием и IэщIагъэлIиплIым Пастыр нэхъыщхьэм къыбгъэдэкI члисэ унэтIыныгъэхэр иратащ, тIум колледжым я щIэныгъэм щыпащэ.
Кърым республиикэм и колледжым и студенткэ Гимадиевэ Викторие щытекIуащ дирижёр ныбжьыщIэхэм духовнэ музыкэмкIэ я зэпеуэм, архиепископ Феофилакт и саугъэтыр къэхьынымкIэ икIи планшетыр иритыжащ. Пшыхьыр игъэдэхащ духовнэ музыкэмкIэ концертым.