2022 гъэм накъыгъэм и 15-м Псыхуабэ и Спасскэ кафедральнэ члисэ зэхуэхьэсам и IутIыжым и щIыхькIэ, Псыхуабэ епархием и IX IутIыж фестивалыр махуэшхуэ концерткIэ къызэIуахащ. Фестивалыр къызэрагъэпэщащ – Псыхуабэ епархием щэнхабзэмкIэ и къудамэм, Ставрополь опереттэмкIэ и театрым и къудамэм, «Домик Лермонтова» къэрал музей заповедникым я гъусэу, Псыхуабэ къалэ-зыгъэпсэхупIэм и администрацэр и дэIэпыкъуэгъуу. Фестивалыр къыщызэIуахым зыкъагъэлъэгъуащ опереттэмкIэ Театрым и артистхэм, КМВ-м и творческэ гупхэм, Спасскэ члисэ зэхуэхьэсам и театр студием. КърихьэлIахэм концерт номер щIэщыгъуэхэр къапэплъэрт, Лермонтовым и усэхэм къеджащ, мастер-классхэр ирагъэкIуэкIащ.
Накъыгъэм и 16-м Псыхуабэ епархием и ЩIалэгъуалэ центрым IX IутIыж фестивалым хыхьэу Псыхуабэ къалэм и сабийхэмрэ еджакIуэхэмрэ зыкъыщагъэлъэгъуащ ЕссэнтIыгу къалэм и Скорбященскэ члисэм и тхьэмахуэ школым Земцевэ Екатеринэ я унафэм щIэту.
Псыхуабэ, Черкесск щIыналъэхэм я архиепископ Феофилакт кърихьэлIахэм я цIэкIэ фIэхъус ирихащ Спасскэ члисэ зэхуэхьэсам и щоджэн Саенкэ Иоанн, артист ныбжьыщIэхэм Щихънагъым къыбгъэдэкI саугъэтхэр езытам.
IX IутIыж фестивалым иджыри къэхъугъэ зыбжанэ къызэщIеубыдэ, Псыхуабэ и къалэ утхэм щрагъэкIуэкIынухэр.