2022 гъэм накъыгъэм и 14-м пщыхьэщхьэм, махуэшхуэм и пэ къихуэу, Псыхуабэ, Черкесск щIыналъэхэм я архиепископ Феофилакт Псыхуабэ и Спасскэ кафедральнэ члисэ зэхуэхьэсам щоджэнхэм я гъусэу тхьэлъэIур иригъэкIуэкIащ. Щоджэн нэхъыщхьэм къулыкъур драгъэкIуэкIащ къалэдэсхэмрэ зыгъэпсэхупIэм и хьэщIэхэмрэ. Пастыр нэхъыщхьэм къулыкъур иригъэкIуэкIащ, тхьэмахуэ Инджылым къеджащ, фIэщхъуныгъэ зиIэхэм гъэнэхуа дагъэм щыщ ялъигъэIэсащ.
2022 гъэм накъыгъэм и 22-м, IутIыж тхьэмахуэ еплIанэм, архиепископ Феофилакт тхьэлъэIу литургиер щригъэкIуэкIащ епархием и щоджэнхэм я гъусэу Административнэ секретариатым и унафэщI щоджэн Яковенкэ Илия и гъусэу.
Литургие нэужьым Щихънагъым зэгъусэ тхьэлъэIур иригъэкIуэкIащ, «Чристэн унагъуэ» саугъэтыр зыхуагъэфэщахэм яритыжащ. Апхуэдэу Пастыр нэхъыщхьэм Архиерей щIыхь тхылъхэр яхуигъэфэщащ члисэ зэхуэхьэсам и клирик къардэн нэхъыжь Кубэ Димитрийрэ Спасскэ члисэ зэхуэхьэсам и Архиерей хорым и регент Кубэ Аннэрэ.
Члисэ зэхуэхьэсам и утым, IэпщIэлъапщIэхэм я гъэлъэгъуэныгъэр щызэхэтам, тхьэлъэIу нэужьым сабийхэм я махуэшхуэ къыщызэрагъэпэщащ, махуэшхуэм къекIуэлIахэр ягъэхьэщIащ.