2022 гъэм накъыгъэм и 8-м, Псыхуабэ, Черкесск щIыналъэхэм я архиепископ Феофилакт иригъэкIуэкIащ Налшык къалэм апостол пэлъытэ Магдалинэ Марие и цIэр зезыхьэ и члисэ зэхуэхьэсам и пащтыхь шэнтиуэ махуэшхуэр. ТхьэлъэIу литургиер члисэм и щоджэнхэм драгъэкIуэкIащ КъБР-м и къалащхьэм и члисэхэм я щоджэнхэм, члисэ зэхуэхьэсам и унафэщI, Псыхуабэ епархием Налшык щиIэ округым и благочиннэ щоджэн нэхъжь Бобылев Валентин, къардэн нэхъыжь Кубэ Димитрий сымэ. Пастыр нэхъыщхьэм и гъусэу Тхьэ елъэIуащ къэзакъхэр, чристэн зэгухьэныгъэхэм щыщ студентхэр, Къэбэрдей-Балъкъэрым щыпсэухэр.
Литургие нэужьым Щихънагъым зэгъусэ тхьэлъэIур иригъэкIуэкIащ, тхьэмахуэ школым и гъэсэнхэм ехъуэхъуащ, екIуэлIапIэм кIуэхэм удз гъэгъахэр тыгъэ яхуищIащ, члисэ зэхуэхьэсам щызэхуэсахэм. Апхуэдэу архиепископ Феофилакт епсэлъащ Мысырым, Сирием, Индем къикIа чристэн студентхэм. Махуэшхуэр щиухым зэгъусэу сурэт зытрагъэхащ.