2022 гъэм мэлыжьыхьым и 30-м, тхьэмахуэ нэхум и щэбэтым, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ ЕссэнтIыгу къалэм пэгъунэгъу Георгиевскэ цIыхубз къулъшырыфым и Георгиевскэ члисэм.
Щоджэн нэхъыщхьэм къулыкъур драгъэкIуэкIащ: Псыхуабэ епархием и Епархие советым и секретарь щоджэн нэхъыжь Знаменский Иоанн, ЕссэнтIыгу члисэ округым и благочиннэ щоджэн нэхъыжь Фещенкэ Стефан, къулъшырыфым и щоджэн нэхъыжь Лиманов Гермоген, Успенскэ Второафонскэ Бештаурскэ цIыхухъу къулъшырыфым и благочиннэ иеромонах Елевферий (Казаков), къулъшырыфым и щоджэнхэм, къардэн нэхъыжь Кубэ Димитрий.
Пастыр нэхъыщхьэм и гъусэу Тхьэ елъэIуащ къулъшырыфым щыIэхэм игумение Варварэ (Шурыгинэ) я пашэу, "София" екIуэлIапIэ-пансионатым и гъэсэнхэмрэ Кавказым и Минводы и къалэхэм икIыу щIыналъэ лъапIэм Тхьэ елъэIуну кIуахэмрэ.
Архиепсикоп Феофилакт и арэзыныгъэкIэ Москварэ Урысей псомрэ я Патриарх Кирилл игумение варварэ (Шурыгинэ) жорыр зэрихьэну хуит ящIащ. ТхьэлъэIум хыхьэу щоджэн нэхъыщхьэм дамыгъэр Варварэ тыгъэ хуищIащ.
Литургие нэужьым Щихънагъым IутIыж зэгъусэ тхьэлъэIур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ.
Махуэшхуэр щиухым пансионым и гъэсэнхэм концерт ятащ. Пастыр нэхъыщхьэр хъыджэбз цIыкIухэм ехъуэхъуащ, Iутыж саугъэтэр яритащ.