2022 гъэм мэлыжьыхьым и 25-м Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Кисловодск и Никольскэ члисэ зэхуэхьэсам.
Щоджэн нэхъыщхьэм къулыкъур драгъэкIуэкIащ Псыхуабэ епархием Кисловодск щиIэ округым и щоджэнхэм члисэ зэхуэхьэсам и щоджэн, благочиннэ щоджэн нэхъыжь Знаменский Иоанн, Успенскэ Второафонскэ Бештаурскэ цIыхухъу къулъшырыфым и иеромонах щоджэн нэхъыжь Елевферий (Казаков), къардэн нэхъыжь Кубэ Димитрий.
Пастыр нэхъыщхьэм и гъусэу Тхьэ елъэIуащ къалэм и Iэтащхьэ Моисеев Евгений, Георгиевскэ цIыхубз къулъшырыфым и унафэщI игумение Варварэ (Шурыгинэ), Чристэн Свято-Никольскэ классическэ гимназием и еджакIуэхэмрэ егъэджакIуэхэмрэ, къалэ-зыгъэпсэхупIэм щыпсэухэмрэ и хьэщIэхэмрэ. Гимназием и хорым игъэзэщIащ тхьэлъэIу уэрэдхэр, гимназием и къэзакъ щIэблэр зэгъусэ тхьэлъэIум хэтащ.
ТхьэлъэIу литургием хыхьэу Пастыр нэхъыщхьэм пресвитор къулыкъур ищIащ Бештаурскэ къулъшырыфым щыIэ икIи Свято-Никольскэ гимназием и егъэджакIуэ иеродиакон Иоанн (Галумов). Литургие нэужьым Щихънагъым зэгъусэ тхьэлъэIур иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ.