2022 гъэм мэлыжьыхьым и 24-м Псыхуабэ, Черкесск щIыналъэхэм я архиепископ Феофилакт Христос и IутIыж тхьэлъэIур щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
Тэрч къэзакъыдзэм и атаман Кузнецов Виталий члисэм ихьащ Иерусалим Христос и цIэр зезыхьэ и члисэм къраха ФIыгъуэ зыпылъ мафIэм щыщ. Махуэшхуэ тхьэлъэIум и пэ къихуэу лъапIэныгъэр къызэрахьар крайм и губернатор Владимиров Владимир и фIыщIэщ. Атаманыр хэтащ махуэшхуэ тхьэлъэIум. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.