2022 гъэм мэлыжьыхьым и 8-м пщыхьэщхьэм Псыхуабэ, Черкесск щIыналъэхэм я архиепископ Феофилакт пщэдджыжь тхьэлъэIур иригъэкIуэкIащ Псыхуабэ и Спасскэ кафедральнэ члисэ зэхуэхьэсам и Акафистым къеджэу. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Пастыр нэхъыщхьэм и гъусэу Тхьэ елъэIуащ къалэдэсхэмрэ зыгъэпсэхупIэм и хьэщIэхэмрэ.
2022 гъэм мэлыжьыхьым и 9-м, махуэшхуэм, архиепископ Феофилакт тхьэлъэIу литургиер щригъэкIуэкIащ Орловкэ къуажэм и Никольскэ члисэм. Щоджэн нэхъыщхьэм къулыкъур драгъэкIуэкIащ Псыхуабэ епархием и Новопавловскэ округым и благочиннэ щоджэн Гордин Александр, члисэм и унафэщI щоджэн нэхъыжь Кручев Михаил, къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуащ къуажэдэсхэмрэ къуажэм и къэзакъ зэгухьэныгъэм и къэзакъхэмрэ. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи екIуэлIапIэм кIуэхэм епсэлъащ. ТхьэлъэIур и кIэм щынагъэсым зэгъусэу сурэт зытрагъэхащ.