2022 гъэм мэлыжьыхьым и 9-м Псыхуабэ къалэм и Спасскэ кафедральнэ члисэ зэхуэхьэсам яшащ Тэрч къэзакъ зэгухьэныгъэм и реликвэ нэхъыщхьэр – зауэлIхэм я хъумакIуэ апостол Варфоломей и къарум щыщ Iыхьэхэм я ковчегыр. ЛъапIэныгъэр яритащ УФ-м и Президентым и полномочнэ лIыкIуэу КИФЩI-м щыIэ Чайкэ Юрий.
ГуфIэгуъэ зэхыхьэм хэтащ Псыхуабэ, Черкесск щIыналъэхэм я архиепископ Феофилакт, УФ-м и Президентым и полномочнэ лIыкIуэу КИФЩI-м щыIэм и дэIэпыкъуэгъу, Тэрч къэзакъыдзэм и атаман Кузнецов Виталий, район, къалэ, станицэ къэзакъ зэгухьэныгъэхэм я атаманхэмрэ къэзакъхэмрэ, екIуэлIапIэм кIуэхэр, члисэм и хьэщIэхэр. Зэхыхьэм хэтхэм защыхуигъазэм, Чайкэ Юрий къыхигъэщащ Тэрч къэзакъыдзэм и напэкIуэцIыщIэ нобэ къызэрызэIуахыр.
Архиепископ Феофилакт полпредым фIыщIэ хуищIащ лъапIэныгъэм папщIэ, апостол Варфоломей и тхьэлъэIум папщIэ фIыщIэ хуищIащ, Псыхуабэ къалэм и щоджэнхэм я гъусэу, Тхьэр къадэIэпыкъуну ехъуэхъуу.
«Чристэнхэм я лъапIэныгъэм деж Тхьэ дыщелъэIукIэ, долъагъу и гъащIэ псор Тхьэм тыхь хуэзыщIар. Апостолым и къарум щыщ Iыхьэхэм деж иджыпсту Хэкум и къуэ пэжхэр щызэхуос, Тхьэм, я лъэпкъым лъагъуныгъэ хуэзыщIахэр», - жиIащ Щихънагъым.
Къарум щыщ Iыхьэхэм я ковчегыр Псыхуабэ и кафедральнэ члисэ зэхуэхьэсам щыIэнущ, лъапIэныгъэм я щхьэр щыхуагъэщхъыфынум. АдэкIэ реликвиер апостол Варфоломей и члисэм яшэнущ, Тэрч къэзакъ кадет корпус ЕссэнтIыгу къалэм щыIэм.