2022 гъэм мэлыжьыхьым и 8-м Псыхуабэ епархием и унэм, Псыхуабэ, Черкесск щIыналъэхэм я архиепископ Феофилакт щригъэкIуэкIащ Епархием и советым и зэхыхьэр. Советым и лэжьыгъэм ирагъэблэгъащ члисэ округхэм я благочиннэхэр, епархием и языныкъуэ къудамэхэм я унафэщIхэр.
Москва епархием и грантищыр гъэзэщIэным теухуауэ советым хэтхэр хигъэгъуэзащ «Анэхэм папщIэ унэ» епархием и кризис центрым и унафэщI Рубец Ларисэ. Программищыр щагъэзэщIа пIалъэм къриубыдэу «Анэхэм папщIэ унэ» центрым гуманитар дэIэпыкъуныгъэ тонн 30 игуэшащ. Тонн 15-р грант мылъкукIэ зэхуахьэсащ, апхуэдиз зэхуахьэсащ епархием и члисэм екIуалIэхэм. ДэIэпыкъуныгъэ унагъуэ 670-м яIэрыхьащ. Абы щыщу унагъуэ 670-р къуажэ, станицэ пхыдза 70-м щыщу.
Псыхуабэ епархием и Налшык округым и благочиннэ щоджэн нэхъыжь Бобылев Валентин къытеувыIащ Къэбэрдей-Балъкъэрым и чристэн щIалэгъуалэр Мысырым къикIа чристэнхэм зэрепсэлъам. 2019 гъэм къыщыщIэдзауэ чристэн щIалэгъуалэ центрым Республикэ лагерым кърегъэблагъэ студент чристэнхэр. Мы гъэм хъуромэ тхьэлъэIухэм хэтащ Къэбэрдей-Балъкъэрым апостол пэлъытэ Магдалинэ Марие и цIэр зезыхьэ члисэ зэхуэхьэсам и студент 20.
2022 гъэм Урыс Чристэн Члисэм псом хуэмыдэу ягу къыщагъэкIыж Тхьэм папщIэ бэлыхь куэд зрагъэшэчахэмрэ гуэныхьхэр зрагъэIуэтэжахэмрэ, илъэси 100 ипэкIэ члисэ лъапIэныгъэхэр щытрахам щыгъуэ. А махуэ лъапIэр Псыхуабэ еапрхием зэрыщагъэлъэпIам теухуауэ советым щыжиIащ епархием щихъхэр канон щIынымкIэ и комиссэм и унафэщI еромонах Елевферий (Казаков). Тхьэмахуэ школхэмрэ еджакIуэ гупхэмрэ епархием и екIуэлIапIэхэм щрагъэкIуэкIащ тематикэ дерсхэр. Дерс зэIухахэр епархием и комиссэм хэтхэм щрагъэкIуэкIащ Кисловодскрэ Черкесскрэ я чристэн гимназиехэм. Комиссэм хэт щоджэн Гурин Александр тематикэ зыплъыхьакIуэхэр щригъэкIуэкIащ Члисэмрэ къэзакъхэмрэ я тхыдэ музей Черкесск и Никольскэ члисэм щылажьэм. Комиссэм хэт къардэн нэхъыжь Иоанн (Галумов) мазаем и 27-м игъэхьэзыращ «О земном и о небесном» телепрограммэр. А махуэм траухуэнущ Баталпашинскэ къеджэныгъэхэр. Чристэн Свято-Никольскэ классикэ гимназиер илъэс 30 зэрырикъум теухуа махуэшхуэм тепсэлъыхьащ унафэщI щоджэн нэхъыжь Знаменский Иоанн. Юбилей зэхыхьэхэр пункт 23 мэхъу. Абы щыщу 11-р гимназием и гъэсэнхэмрэ абыхэм я егъэджакIуэхэмрэ ягъэзэщIащ. Юбилейм траухуащ дерс зэIухахэр, выставкэхэр, егъэджакIуэхэм я конференцэхэр, концертхэр, зэпеуэхэр. Гимназием и сайтым къыщызэIуахащ Iыхьэ щхьэхуэ, гимназием и каналыр ягъэщIэрэщIащ. Зэхыхьэ нэхъыщхьэхэмрэ юбилей концертымрэ траухуащ 2022 гъэм накъыгъэм и 12-м.
ХъыбарегъащIэ-тхылъ тедзапIэ къудамэм и унафэщI щоджэн нэхъыжь Самохин Михаил советым хэтхэм гу лъаригъэтащ «Тхьэм и нэфI зыщыхуа Кавказ» журналыр къызэрыдэкIым. Псыхуабэ епархием а журналыр 2011 гъэ лъандэрэ къыдегъэкI. 2022 гъэм мэлыжьыьым щыщIэдзауэ номери 128-рэ къыдэкIащ. Тиражыр 13400-м ноблагъэ. Иужьрей номерым и тиражыр экземпляр 6685 мэхъу. ЕкIуэлIапIэм кIуэхэм я бжыгъэмрэ хъыбарыщIэхэр къазэрыIэрыхьэ Iэмалымрэ зэрызахъуэжам къыхэкIыу журналым и тиражым и бжыгъэр нэхъ мащIэ мэхъу, ауэ печатым и экземпляр уасэм хохъуэ, сыту жыпIэмэ ар лъапIэщи. Журналым и форматыр, тиражыр, и къыдэкIыгъуэм зэхъуэкIыныгъэхэр халъхьэну унафэ ящIащ.
ЗэIущIэм и кIэухым Епархием и советым иджыри зэ псапащIэ IуэхумкIэ игъэзэжащ. Епархием и къудамэм и унафэщI щоджэн нэхъыжь Акименкэ Сергий зауэм зи щхьэ къыхэзыхыу ди щIыналъэ къэIэпхъуахэм зэрадэIэпыкъуам къытеувыIащ. Москварэ Урысей псомрэ я Патриарх Кирилл и арэзыныгъэкIэ Псыхуабэ епархие и члисэ псоми гъатхэпэм и 13, 20, 27-м ахъшэ щызэхадзащ. Псапэ щIэнымрэ социальнэ къулыкъухэмкIэ Псыхуабэ епархием и Синод къудамэм ахъшэу сом мелуанитI щызэхуахьэсащ. Епархием и социальнэ IуэхущIапIэхэм зауэм зи щхьэ къыхэзыхахэм ерыскъыпхъэхэр, фэилъхьэгъуэхэр, къабзагъэ Iэмэпсымэхэр хуагуэш. Псыхуабэ епархием и хъыбарегъащIэ IэнатIэхэм хъыбар щрагъащIэ члисэ IуэхущIапIэхэм апхуэдэхэм къазэрыщыдэIэпыкъунум теухуауэ. ЩIыналъэхэм иджыпсту зыхуеинухэр хурагъашэ.