2022 гъэм гъатхэпэм и 24-м Налшык къалэм и Симеоновскэ члисэм зэIущIэ щекIуэкIащ икIи Псыхуабэ епархием Налшык щиIэ округым и щоджэнхэм гуэныхьхэр щаIуэтэжащ.
Зэхыхьэр теухуауэ щытащ нэщI Иным тхьэлъэIухэр зэрырагъэкIуэкIынум, мамырыгъэм теухуа тхьэлъэIухэр къызэрызэрагъэпэщынум. Апхуэдэу округым и благочиннэ щоджэн нэхъыжь Бобылев Валентин грант зэпеуэм «Яндекс-панорама православных храмов КБР» программэмкIэ зэрыхэтынум тепсэлъыхьащ. Гуэныхьхэр яIуэтэжыным и пэ къихуэу благочинием и щоджэн нэхъыжь Лиманов Гермоген ягу къигъэкIыжащ щихъ Сирин Евфимий и узэщIыныгъэхэр. Гуэныхьхэр Iуэтэжыным хыхьэу Къэбэрдей-Балъкъэрым Тхьэм и Анэм и каноным къеджащ мамырыгъэ щыIэн папщIэ Тхьэм елъэIуу. Махуэ къэс апхуэдэ тхьэлъэIу ирагъэкIуэкIыну 2022 гъэм гъатхэпэм и 16-м захуигъэзащ Москварэ Урысей псомрэ я Патриарх Кирилл.