2022 гъэм мазаем и 6-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ блаженнэ Петербургская Ксение и придел Кисловодск и Пантелеимоновскэ члисэм щыIэм. Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Кисловодск члисэ округым и щоджэнхэм благочиннэ щоджэн нэхъыжь Знаменский Иоаннрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къалэ-зыгъэпсэхупIэм щыпсэухэмрэ абы и хьэщIэхэмрэ. ТхьэлъэIум хыхьэу щихънагъыр Тхьэ елъэIуащ Христос и фIэщхъуныгъэм папщIэ зи псэ зытахэм я псэр зэгъэну ХъыбарыфIхэр зэрыт тхылъ лъапIэм къеджа нэужь Пастыр нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ, литургие нэужьым блаженнэ Петербургская Ксение игъэлъэпIащ.
А махуэ дыдэм архиепископ Феофилакт кIэлъыплъащ апостол пэлъытэ Нинэ, Куржым и узэщIакIуэм и цIэр зезыхьэ члисэ ухуэныгъэр зэрекIуэкIым. Щихънагъым и гъусэу кIуащ члисэ ухуэныгъэмкIэ дэIэпыкъуэгъу Музенитов Павел, члисэм и унафэщI щоджэн нэхъыжь Знаменский Иоанн, куржым я лIыкIуэ Лобжанидзе Николай.
Апостол пэлъытэ, Куржым и узэщIакIуэ, щихъ Нинэ и цIэр зезыхьэ члисэм и япэ мывэр гъэтIылъыным теухуа зэхыхьэр Кисловодск къалэ сымаджэщыми деж Батарейнэ бгым 2016 гъэм щэкIуэгъуэм и 19-м щрагъэкIуэкIащ. Члисэр екIуэлIапIэм кIуэхэмрэ Кисловодск и куржы зэгухьэныгъэмрэ я мылъку зэхэдзэкIэ ящI. Члисэм и япэ къатыр нагъэсащ, тхьэлъэIухэр щрагъэкIуэкI хъунущ, члисэ ухуэныгъэм пащэ.