202I гъэм щIышылэм и 12-м Псыхуабэ, Черкесск щIыналъэхэм я архиепископ Феофилакт Къэрэшей-Шэрджэсым и къэралыгъуэр илъэси 100 зэрырикъум и щIыхькIэ къызэрагъэпэща гуфIэгъуэ зэхыхьэм хэтащ. Республикэм и Iэтащхьэмрэ и Правительствэмрэ я сайтым къызэрыщыхьамкIэ зэхуэсым хэтащ Къэрэшей-
Шэрджэсым и Iэтащхьэ Темрезов Рашид, Урысей Федерацэм и Парламентым и палатитIым я депутатхэм я ветеранхэр, УФ-м и Президентым и полномочнэ лIыкIуэу КИФЩI-м щыIэм и къуэдзэ Владимиров Максим, КъШР-м и ЦIыхубэ Зэхуэсым (Парламентым) и унафэщI Иванов Александр, КъШР-м и Правительствэм и унафэщI Аргунов Мурат, КъШР-м и Iэтащхьэмрэ и Правительствэмрэ я Администрацэм и унафэщI Уэзы Мурат, КъШР-м и муслъымэнхэм я Духовнэ управленэм и унафэщI Бердиев Исмэхьил-хьэжы. Къэрэшей-Шэрджэсым и федеральнэ властым и органхэм я щIыпIэ унафэщIхэр, КЪШР-м и Правительствэм хэтхэр, щIыналъэм и ЦIыхубэ Зэхуэсым и парламентариер, КъШР-м и Правительствэм хэтхэр, къалэхэмрэ муниципальнэ районхэмрэ я Iэтащхьэхэр.
Фильмхэм еплъа нэужь, Урысей къэралыгъуэм и унафэщIхэм я хъуэхъухэм къеджащ, доклад нэхъыщхьэр ищIащ КъШР-м и Iэтащхьэ Темрезов Рашид. ЩIыналъэм и унафэщIым и псалъэм къыхигъэщащ чристэнхэм республикэм и зыужьыныгъэм хуащIа хэлъхьэныгъэхэр.
Концертыр щиухым зыкъагъэлъэгъуащ республикэм и гъуазджэм и IэпщIэлъапщIэхэм. Щихънагъыр ехъуэхъуащ унафэщIхэм, властым и органхэм я лIыкIуэхэм, жылагъуэм.