Псыхуабэ, Черкесск епархием илъэс ещанэ хъуауэ щагъэлъапIэ Кавказым Тхьэ щелъэIуным и махуэшхуэр. ЩIыналъэ лъапIэм Тхьэ щелъэIухэм я нэIэ тету къалъытэ щихъ Обручник Иосиф, Христос папщIэ япэ дыдэу зыплъыхьакIуэ кIуауэ щытар.
Хабзэм тету, махуэшхуэр щрагъэкIуэкIащ ЕссэнтIыгу къалэм Петррэ Павелрэ я члисэ комплексым. Iуэхур къызэрагъэпэщащ комплексым и екIуэлIапIэм и зэгухьэныгъэмрэ Псыхуабэ епархием и «Кавказский паломник» IуэхущIапIэмрэ. ХьэщIэхэм яIущIащ Петррэ Павелрэ я цIэр зезыхьэ члисэм и унафэщI щоджэн Гриценкэ Виталий. Махуэшхуэр нэхъри нэгузыужь ищIащ макъамэм. Комплексым и Iэгъуэблагъуэм къыщызэрагъэпэщащ IэпщIэлъапщIэхэм я бэзэр. Махуэшхуэм хэтхэр шхыныгъуэкIэ ягъэхьэщIащ екIуэлIапIэм и зэгухьэныгъэм и щIалэгъуалэм.
Шхыныгъуэ лIэужьыгъуэхэр абы щызэблахырт. Хъуромэ колядкэхэр жаIащ Спасскэ кафедральнэ члисэ зэхуэхьэсам и щоджэнхэм. Москва, Санкт-Петербург, Новокузнецк, Мурманск къикIа хьэщIэхэм Кавказым зыщаплъыхьащ.