2021 гъэм щIышылэм и 4-м, Тхьэм папщIэ бэлыхь куэд зрагъэшэча Анастасие и фэеплъ махуэм, Къэбэрдей-Балъкъэрым и щоджэнхэр щыIащ республикэм тезырхэр щрагъэпшын и IуэхущIапIэхэм.
Прохладнэ къалэм и Никольскэ члисэм и унафэщI щоджэн нэхъыжь Маршалкин Андрей фIэщхъуныгъэ зиIэхэр щэхухэм хигъэгъуэзащ, тезыр щрагъэпшын колоние №4-м щыIэхэм. Тхьэм папщIэ бэлыхь куэд зрагъэшэча Анастасие и акафисыр ищIащ.
А махуэ дыдэм Прохладнэ къалэм и Покров члисэм и щоджэн Калинин Евгений щыIащ колоние №1-м. Щоджэныр IущIащ абы и унафэщI Щомахуэ Назран, пенитенциарнэ центрым и нэIэм щIэтхэм епсэлъащ.
Тхьэм папщIэ бэлыхь куэд зрагъэшэча Фаддей и цIэр зезыхьэ ИК №3 Каменкэ къуажэм щыIэм, 2021 гъэм дыгъэгъазэм и 31-м пащтыхь шэнтиуэ махуэшхуэм тхьэлъэIу литургиер щригъэкIуэкIащ Псыхуабэ епархием Налшык округым щиIэ благочиннэ щоджэн нэхъыжь Бобылев Валентин. ФIэщхъуныгъэ зиIэ ягъэтIысахэм гуэныхьхэр яIуэтэжащ икIи Христос и щэхухэм зыхагъэгъуэзащ.
Щоджэнхэм библиотекэм тезыр щрагъэпшын IуэхущIапIэхэм я библиотекэхэм духовнэ литературэхэр иратащ.