2022 гъэм щIышылэм и 1-м архиепископ Феофилакт тхьэлъэIу литургиер щригъэкIуэкIащ Успенскэ Второафонскэ Бештаурскэ цIыхухъу къулъшырыфым и Успенскэ члисэ зэхуэхьэсам.
Щоджэн нэхъыщхьэм къулыкъур драгъэкIуэкIащ къулъшырыфым и къалэнхэр зыгъэзащIэ иеромонах Михаил (Гичко), Псыхуабэ епархием и ЕссэнтIыгу округым и благочиннэ щоджэн нэхъыжь Фещенкэ Стефан, къулъшырыфым и благочиннэ иеромонах Елевферий (Казаков), къардэн нэхъыжь Иоанн (Галумов), Афанасий (Сапрыкин). Литургие уэрэдхэр игъэзэщIащ Псыхуабэ къалэм и Спасскэ кафедральнэ члисэ зэхуэхьэсам и хорымэ Пастыр нэхъыщхьэм и гъусэу Тхьэ елъэIуащ Кавказым и Минводы и къалэхэм икIыу щIыналъэ лъапIэм Тхьэ елъэIуну щыIахэр.
Литургие нэужьым Щихънагъым фIэщхъуныгъэ зиIэхэм захуигъэзащ узэщIыныгъэкIэ, ягу къигъэкIыжащ 2022 гъэм япэ литургиер щIышылэм и 1-м Бештаурскэ къулъшырыфым зэрыщрагъэкIуэкIрэ илъэс 20 зэрырикъуар. 2002 гъэм апхуэдэ къулыкъухэр егъэкIуэкIыныр къыхилъхьауэ щытащ къагъэщIэрэщIэжа къулъшырыфым и япэ унафэщIу щыта архимандрит Силуан (Хараим).