2021 гъэм дыгъэгъазэм и 28-м Налшык къалэ и Симеоновскэ члисэм тхьэлъэIукIэ ягу къыщагъэкIыжащ щоджэн нэхъыжь Остапчук Иоанн. Иоанн 1971 гъэм щыщIэдзауэ 1991 гъэ пщIондэ ирихьэкIащ Къэбэрдей-Балъкъэрым и члисэхэм я благочиннэ, Налшык и Симеоновскэ члисэм и унафэщI къулыкъухэр.
ТхьэлъэIур иригъэкIуэкIащ Псыхуабэ еапрхием Налшык щиIэ округым и благочиннэ щоджэн нэхъыжь Бобылев Валентинрэ благочинием и щоджэнхэмрэ Черкесск и Никольскэ члисэ зэхуэхьэсам и ключарь щоджэн нэхъыжь Кузнецов Сергийрэ. ТхьэлъэIу литургиемрэ къулыкъумрэ хэтащ республикэхэм и члисэхэм екIуалIэхэр, Иоанн и благъэхэр.
ТхьэлъэIур къалэкхъэм щоджэн нэхъыжь Остапчук Иоанн щыщIалъхьэжа щIыпIэм деж щызэхуащIыжащ.