2021 гъэм дыгъэгъазэм и 18-м, щихъ Николай и фэеплъ махуэм и пэ къихуэу Псыхуабэ, Черкесск щIыналъэхэм я архиепископ Феофилакт Минводы къалэм и Никольскэ члисэм тхьэлъэIу щригъэкIуэкIащ. Щоджэн нэхъыщхьэм къулыкъур дригъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Минераловодскэ члисэ округым и щоджэнхэм благочиннэ щоджэн нхъыжь Панасенкэ Алексийрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къэзакъхэмрэ къалэдэсхэмрэ. Щихънагъыр Инджылым къеджащ икIи тхьэлъэIум хэтхэм хъуэхъукIэ захуигъэзащ.
2021 гъэм дыгъэгъазэм и 19-м Псыхуабэ, Черкесск щIыналъэхэм я архиепископ Феофилкт пащтыхь шэнтиуэ махуэшхуэр щригъэкIуэкIащ Кисловодск и Никольскэ члисэ зэхуэхьэсам. Мы гъэм члисэм и зэгухьэныгъэм, етIанэгъэ Чристэн гимназием илъэс 30 зэрырикъур ягъэлъапIэ. ТхьэлъэIу литургием Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Кисловодск члисэ округым и щоджэнхэм благочиннэ, члисэ зэхуэхьэсам и унафэщI щоджэн нэхъыжь Знаменский Иоаннрэ щоджэн нэхъыжь Кубэ Димитрийрэ я пашэу.
Махуэшхуэм щызэхуэсащ гимназием и гъэсэнхэр, къалэдэсхэр, зыгъэпсэхупIэм и хьэщIэхэр. ХъыбарыфIхэр зэрыт тхылъ лъапIэм къыщыхьахэм къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIум хыхьэу архиепископ Феофилакт къардэн къулыкъур иригъэкIуэкIащ къардэн Вдовин Михаил. Зэгъусэ тхьэлъэIу нэужьым Пастыр нэхъыщхьэм Псыхуабэ епархием и медалхэмрэ Щоджэн нэхъыщхьэм и щIыхь тхылъхэмрэ иритащ члисэ зэхуэхьэсам и лэжьакIуэхэм. Щоджэн нэхъыщхьэм фIыщIэ хуищIащ члисэм и унафэщI щоджэн нэхъыжь Знаменский Иоанн икIи лэжьакIуэхэмрэ екIуэлIапIэм къакIуэхэмрэ ехъуэхъуащ юбилеймкIэ.