Щихъ Николай и фэеплъ махуэшхуэм ирихьэлIэу Свято-Сергиевскэ гимназием и етIуанэ классым щIэсхэр щыIащ Черкесск къалэм и Никольскэ члисэ зэхуэхьэсам. Гимназием и гъэсэнхэр щыIащ Члисэ тхыдэмрэ къэзакъхэмрэ я музейм, члисэм зыщрагъэплъыхьащ. Члисэм и тхыдэм сабийхэм яхутепсэлъыхьащ щоджэн Гурин Александр. Къэзакъхэм я тхыдэм къытеувыIащ «Царьград» щIыналъэ къудамэм и унафэщI Струговцев Денис.
Музейм зыщаплъыхьа нэужь, еджакIуэхэр щихъ Николай и цIэр зезыхьэ члисэ зэхуэхьэсам кIуащ. Сабийхэм щихъым и гъащIэм, и телъыджэхэм зыхагъэгъуэзащ, и теплъэм деж Тхьэ щелъэIуащ икIи шэху уэздыгъэхэр щагъэуващ. Тхьэм и Анэм и Къэзан тхьэнапэм деж Тхьэ щелъэIуащ.
Члисэ зэхуэхьэсам и унафэщI, Псыхуабэ, Черкесск щIыналъэхэм я архиепископ Феофилакт къыбгъэдэкIыу зэхыхьэм хэта дэтхэнэми тыгъэ хуащIащ Тхьэм папщIэ бэлыхь зрагъэшэчахэм, гуэныхьхэр зрагъэIуэтэжахэм ятеухуа тхылъ.