ЕссэнтIыгу капсулэ щагъэтIылъащ кадет корпус ухуэныгъэм деж

17.12.2021
Просмотры: 2273

2021 гъэм дыгъэгъазэм и 17-м ЕссэнтIыгу къалэм и Тэрч кадет къэзакъ корпусым и ухуэныгъэм деж капсулэ щагъэтIылъащ.

Зэхыхьэм и хьэщIэ лъапIэ хъуащ УФ-м и Президентым и полномочнэ лIыкIуэу Кавказ Ищхъэрэ федеральнэ щIыналъэм щыIэ Чайкэ Юрий, Ставрополь крайм и губернатор Владимиров Владимир, Старопольскрэ Невинномыскрэ я митрополит Кирилл, Псыхуабэ, Черкесск щIыналъэхэм я архиепископ Феофилакт, УФ-м и Президентым и полномочнэ лIыкIуэу КИФЩI-м щыIэм и дэIэпыкъуэгъу, Тэрч къэзакъыдзэм и атаман Кузнецов Виталий.

Къызэхуэсахэм защыхуигъазэм, Чайкэ Юрий къыхигъэщащ егъэджэныгъэ IуэхущIапIэщIэм и ухуэныгъэр УФ-м и Президентым къэзакъхэм я IуэхухэмкIэ и Советыр, Ставрополь крайм и Правительствэр, Тэрч къэзакъыдзэр жыджэру полпредым и жэрдэмым зэрыхэтым и фIыгъэкIэ Тэрч къэзакъ кадет корпус ухуэныгъэр къызэрехъулIар.

Ар Кавказ Ищхъэрэм и мызакъуэу Урысей псом щынэхъ ин дыдэ хъунущ. Зыхуеину ахъшэр Урысейм егъэджэныгъэмкIэ и министерствэм хухихащ.

«Кадет корпусым и ухуэныгъэр урыс къэзкъхэм я къэрал политикэм и стратегиер 2030 гъэ пщIондэ гъэзэщIэнымкIэ мыхьэнэшхуэ зиIэщ, УФ-м и Президент Путин Владимир къыхилъхьар.

А тхылъым къыщыхьащ къэралым нобэ къэзакъхэм хуищI гулъытэр зыхуэдэр. Тэрчыдзэм и атаману ягъэуващ Президентым и полномочнэ лIыкIуэм и дэIэпыкъуэгъу, Урысей гвардием и къэзfкъ унэтIыныгъэхэр къызэрагъэпэщыным топсэлъыхь, Япэ къэзакъ университетым и къудамэ къызэIухыным и гугъу ящI, къэзакъ щIалэгъуалэм зэрадэлэжьэнум хагъахъуэ. БлэкIа илъэсым къриубыдэу Кавказ Ищхъэрэм лэжьыгъэшхуэ щызэфIахащ. абы и IуэхукIэ», - къыхигъэщащ полпредым.

Зэхыхьэм хэтащ къэзакъхэм ядэлэжьэнымкIэ Синод комитетым и унафэщI, Ставропольскрэ Невинномыскрэ я митрополит Кирилл. ТхьэлъэIур абдеж щригъэкIуэкIащ Псыхуабэ, Черкесск щIыналъэхэм я архиепископ Фефилакт.

2273
Фотогалерея