Ставрополь къэрал пединститутым ЕссэнтIыгу къалэм щиIэ къудамэм щекIуэкIащ «Технологии работы волонтеров с инвалидами» семинар-практикумыр. Студентхэм папщIэ дерсхэмрэ мастер-классымрэ къызэригъэпэщащ Псыхуабэ епархием и «ДыгъафIэ къалэ» центрым и унафэщI Земцевэ Екатеринэ.
НыбжьыщIэхэр хагъэгъуэзащ зи узыншагъэм къимыхь цIыхухэм уакъызэрыдекIуэкIыфынум. Практикумым къыщагъэсэбэпащ ныкъуэдыкъуэхэм я шэнтжьейр, башыр, щыжейкIэ къагъэсэбэп щэкIыр, тхьэнапэхэр.
Семинар нэужьым студентхэм сертификатхэр иратащ.