2021 гъэм дыгъэгъазэм и 7-м, Тхьэм папщIэ бэлыхь куэд зрагъэшэча Екатеринэ и фэеплъ махуэм, Псыхуабэ, Черкесск щIыналъэхэм я архиепископ Феофилакт ЕссэнтIыгу къалэм и Екатерининскэ члисэм щригъэкIуэкIащ тхьэлъэIу лиутргие.
Щоджэн нэхъыщхьэм къулыкъур драгъэкIуэкIащ: Псыхуабэ епархием и Административнэ секретариатым и унафэщI щоджэн Яковенкэ Илия, ЕссэнтIыгу члисэ округым и щоджэнхэм благочиннэ щоджэн нэхъыжь Фещенкэ Стефанрэ къардэн нэхъыжь Кубэ Димитрийрэ я пашэу. ТхьэлъэIум хэтащ Тэрч къэзакъыдзэм и атаман Кузнецов Виталий.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм папщIэ бэлыхь куэд зрагъэшэча Екатеринэ игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIу нэужьым архиепископ Феофилактрэ Кузнецов Виталийрэ зыхагъэгъуэзащ иппотерапиемкIэ «Целебный Ессентуки» центрым и зыужьыныгъэхэм. Центрым и унафэщI, Екатерининскэ члисэм и унафэщI щоджэн Тростинский Александр тепсэлъыхьащ къапэщылъхэм. Апхуэдэу хьэщIэхэр еплъащ мэкъумэш техникэщIэм, центрым папщIэ псапащIэхэм къащэхуам.