2021 гъэм дыгъэгъазэм и 6-м Успенскэ Второафонскэ Бештаурскэ цIыхухъу къулъшырыфым щекIуэкIащ Псыхуабэ епархием щихъхэр канон щIынымкIэ и комиссэм и зэIущIэ. Комиссэм и унафэщI иеромонах Елевферий (Казаков) щоджэнхэмрэ къызэрыгуэкI мамыр цIыхухэмрэ фIыщIэ яхуищIащ щихъхэр канон щIынымкIэ комиссэм и лэжьыгъэмрэ Тхьэм папщIэ бэлыхь куэд зрагъэшэчахэм 2021 гъэм я ехъулIэныгъэхэр зыщамыгъэгъупщэн папщIэ зэфIагъэкIахэмрэ папщIэ.
Щихъхэр канон щIынымкIэ комиссэм и секретарь щоджэн Гурин Александр къытеувыIащ фIэщхъуныгъэм папщIэ ягъэкIуэдахэм теухуауэ Къэрэшей-Шэрджэсымрэ Къэбэрдей-Балъкъэрымрэ я дэфтэрхэм щрагъэкIуэкIа лэжьыгъэхэм.
Урыс Члисэм Тхьэм папщIэ бэлыхь куэд зрагъэшэчахэмрэ гуэныхьхэр зрагъэIуэтэжахэмрэ я лIыгъэм теухуа доклад Свято-Никольскэ чристэн классическэ гимназием щищIащ къардэн нэхъыжь Иоанн (Галумов). 2021 гъэм Тхьэм папщIэ бэлыхь куэд зрагъэшэчахэм теухуауэ къэпсэлъащ Псыхуабэ епархием и щIалэгъуалэр, «Зелёный Афон» гъэмахуэ лагерым и утым, Кисловодскрэ Черкесскрэ, члисэхэм я тхьэмахуэ школхэр.
УФ-м и къэрал архивым и щIыналъэм ирагъэIэпхъукIа щоджэнхэмрэ Кавказым и Минводы и къызэрыгуэкI цIыхухэмрэ ятеухуа материалхэр зэрызэхуахьэсам къытеувыIащ комиссэм и лэжьакIуэ, тхыдэ щIэныгъэхэм я кандидат, Псыхуабэ и лъахэхутэ музейм и секторым и унафэщI Савенкэ Сергей.