2021 гъэм щэкIуэгъуэм и 25-30-хэм Москва щекIуэкIащ Урысейм и щIыналъэ зэмылIэужьыгъуэхэм Члисэм социальнэ къулыкъухэм зригъэужьынымкIэ хъыбархэр зэбгырыгъэкIынымкIэ жэуап зыхьхэм я япэ стажировкэр. Псыхуабэ епархием и лIыкIуэу абы хэтащ хъыбарегъащIэ-тхылъ тедзапIэ къудамэм и лэжьакIуэ Осининэ Марие.
Стажировкэр къызэригъэпэщащ члисэ псапэ лэжьынымрэ социальнэ къулыкъу щIэнымкIэ Синод къудамэм и пресс-IуэхущIапIэм Члисэмрэ жылагъуэмрэ хъыбарегъащIэ IэнатIэхэмрэ я зэхущытыкIэхэмкIэ Синод къудамэр и дэIэпыкъуэгъуу.
ХъыбарегъащIэ технологиехэр, зэпсэлъэныгъэхэр, хъыбарегъащIэ ресурсхэр къызэрыбгъэсэбэпынум, социальнэ сайтхэм лэжьыгъэм зэрызыщебгъэужьынум, медиа IэмалыщIэхэм уазэрыдэлэжьэнум къытеувыIащ.
Епархием и лIыкIуэхэр тхьэ елъэIуащ. Ар иригъэкIуэкIащ псапэ щIэнымкIэ Синод къудамэм и унафэщI Верейск и епископ Пантелеимон. ТхьэлъэIу нэужьым щихънагъыр епсэлъащ стажировкэм хэтхэм. Осининэ Марие къытеувыIащ Псыхуабэ еапрхием и социальнэ проектхэм.
Члисэмрэ жылагъуэмрэ хъыбарегъащIэ IэнатIэхэмрэ зэдэдэлэжьэнымкIэ Синод къудамэм и унафэщI Легойдэ Владимир къыхигъэщащ Псыхуабэ епархием «На фоне храма» флэшмобыр иригъэкIуэкIынымкIэ. «Спас» телканалым и унафэщI Корчевников Борис къилъытащ «Тхьэм и нэфI зыщыхуа Кавказ» студием и лэжьыгъэр икIи зэрызэдэлажьэм папщIэ фIыщIэ хуищIащ.