Азие Курыт митрополичье округым и Синодым и зэIущIэ 2021 гъэм щэкIуэгъуэм и 11-м щызэхэтащ Ташкентскэ, Узбекистанскэ епархием и Духовнэ-административнэ центрым округым и Iэтащхьэ, Ташкентскрэ Узбекистанскрэ я митрополит Викентий иригъэкIуэкIри. Синодым и лэжьыгъэм хэтащ Псыхуабэ, Черкесск щIыналъэхэм я архиепископ Феофилакт, Тыркуменистаным и Патриаршэ екIуэлIапIэхэр пIалъэкIэ зезыгъакIуэр, Душанбинскрэ Таджикистанскрэ я щихънагъ Павел. Бишкекскрэ Кыргызстанскрэ я щихънагъ Даниил зэIущIэм зэпэIэщIэ Iэмалыр къигъэсэбэпри абы хэтхэм запищIащ.
Митрополит Викентий Азие Курыт митрополичье округым хэтхэм ехъуэхъуащ епархием и IуэхущIапIэр къызэрызэрагъэпэщрэ илъэси 150-рэ зэрырикъумкIэ, кафедрэм и япэ щоджэн щихънагъ Софоний (Сокольск) зэрагъэуврэ, къыхигъэщу:
«ДэркIэ ар юбилей Синодщ. Ташкент къалэм дыщызэхуэсащ, Ташкентскэ, Туркестанскэ епархием и илъэси 150 юбилейр дгъэлъэпIэн папщIэ. А махуэшхуэм дыпожьэ нэхъыжьхэм, пастыр нэхъыщхьэхэм, пастырхэм, къызэрыгуэкI мамыр цIыхухэм илъэси 150-м къриубыдэу зыIэрагъэхьа я ехъулIэныгъэхэр зыщыдмыгъэгъупщэу. Абы ящыщ куэдым игъащIэкIэ имыухыжын гъащIэ яIэ хъуащ. Ар и щыхьэтщ ди епархием Христос и унафэм щIэту зэрыпсэум».
Азие Курыт митрополичье округым и Синодым и зэIущIэм щыхэплъащ журнал 19-м, округым и епархие дэтхэнэми и гъащIэм ехьэлIауэ.