2021 гъэм жэпуэгъуэм и 20-м Псыхуабэ и библиотекэ нэхъыщхьэм щекIуэкIащ «Святые наших дней» тхылъ гъэлъэгъуэныгъэр. Ар теухуащ Кавказым и Минводы и Тхьэм папщIэ бэлыхь куэд зрагъэшэчахэм, гуэныхьхэр зыIуэтэжахэм, фIэщхъуныгъэ зиIэхэм я гъащIэм.
«Святые наших дней» етIуанэ къыдэкIыгъуэр теухуащ репрессием и зэран зэкIа фIэщхъуныгъэ зиIэхэм. КъыдэкIыгъуэм лъабжьэ хуэхъуащ «Благословенный Кавказ» студием и программэм и сюжетхэр, архивым щыщ хъыбархэр. Лэжьыгъэ мытыншым и фIыгъэкIэ, авторхэм зи гъащIэр, лIыгъэр, хахуагъэр щапхъэ цIыхухэм я гъащIэм теухуа тхылъхэр зэхуахьэсыжащ.
Авторхэу – щоджэн Гурин Александррэ журналист Осининэ Мариерэ – яригъэцIыхуащ Псыхуабэ члисэ округым и благочиннэ щоджэн нэхъыжь Симанович Олег. «Ди лэжьыгъэм нэхъыщхьэр – тхыдэм и пэжыр зэфIэгъэувэжынырщ», - жиIащ Осининэ Мария. Щоджэн Гурин Александр, Псыхуабэ епархием щихъхэр канон щIынымкIэ и комиссэм и секретарым лIыхъужьхэм ятеухуа тхылъыр утыку къыщрихьащ.
Иджырей тхылъым мыхьэнэшхуэ иIэщ, цIыхум блэкIа лIэщIыгъуэм и напэкIуэцI шынагъуэхэм, лажьэншэу хэкIуэдахэм, тхыдэм гулъытэ хуезыгъэщIым, - къыхигъэщащ Псыхуабэ епархием щихъхэр канон щIынымкIэ и комиссэм и унафэщI иеромонах Елевферий (Казаков), Псыхуабэ къалэм и Iэтащхьэм и унафэщIым и къуэдзэ, егъэджэныгъэмкIэ управленэм и унафэщI Васютинэ Наталье, тхыдэ щIэныгъэхэм я кандидат, Псыхуабэ и лъахэхутэ музейм и секторым и унафэщI, къалэм и библиотечнэ сситемэм и унафэщI Орловэ Флоренс, зэхыхьэм хэтахэр.
Тхылъым и тиражыр трагуэшащ Кавказым и Минводы и къалэ школ библиотекэхэм.