ЕджапIэм и пресс-IуэхущIапIэм зэрыжиIэмкIэ, 2021 гъэм жэпуэгъуэм и 18-м СКФУ-м и студентхэр щоджэн пашэхэм, Псыхуабэ къалэ администрацэм и унафэщIхэмрэ къалэм и лъэпкъ-щэнхабзэ зэгухьэныгъэхэм я лIыкIуэхэмрэ яIущIащ. Зэхыхьэм хэтащ Псыхуабэ, Черкесск щIыналъэхэм я архиепископ Феофилакт.
Зэхыхьэр къыщызэIуихым, институтым и унафэщI Шыбзыхъуэ Татьянэ къыхигъэщащ еджапIэр IэщIагъэлIхэм я щIэныгъэм хагъэхъуэн папщIэ зыхуеину псомкIэ къызэрызэгъэпэщар, дэтхэнэ зы студентми я зэманым пщIэ хуащIу къагъэсэбэпын зэрыхуейр.
Псыхуабэ къалэм и унафэщI Похилько Людмилэ щIалэгъуалэм яригъэцIыхуащ Псыхуабэ къалэм и лъэпкъ-щэнхабзэ зэгухьэныгъэхэм къикIа хьэщIэхэр, лъэпкъ щэнхабзэмкIэ Унэм и унафэщIыр, къалэм и щIалэгъуалэ жылагъуэ палатэм и унафэщIыр.
Псыхуабэ, Черкесск щIыналъэхэм я архиепископ Феофилакт студентхэм ехъуэхъуащ гъэ еджэгъуэщIэр зэрырагъэжьамкIэ икIи ехъулIэныгъэхэр яIэну захуигъэзащ.
- Зыр зым дызэрытепсэлъыхьым хуэдэу псэхэм я фIагъми я гугъу дощI. Аращ дэрэжэгъуэ куэду къыдэзытыр. Ар сыт хуэдэ цIыхуми дыщIоупщIэ. Абы уепсэлъылIэныр шынагъуэншагъэрэ мыхъумыщIагъэ къызыпэмыкIуэу щытрэщымытрэ. А цIыхугъэр дэ тщIыгъухэм зэхагъэкI», - жиIащ Щихънагъым. Пастыр нэхъыщхьэм студентхэр къыхуриджащ цIыхуу сыт щыгъуи къэнэжыну, ди IуэхущIафэхэмкIэ жэуап зэрытхьыр ягу къигъэкIыжащ.
Ставрополь крайм и муслъымэнхэм я дин IуэхущIапIэм и муфтий Рахимов Мухьэммэд-хьэжы къыхуриджащ студентхэм иджыпсту я къалэн нэхъыщхьэр – щIэныгъэ зрагъэгъуэтыным гулъытэ нэхъыбэ хуащIыну, я зэманыр пщIэншэу ямыгъэкIуэду.
Зэхыхьэр щиухым, архиепископ Феофилакт Похилько Людмилэ иритащ «Псыхуабэ епархием хуищIа лэжьыгъэхэм папщIэ» медалым и I нагъыщэр.