Псыхуабэ епархием и ЩIалэгъуалэ центрым щекIуэкIащ Ставрополь крайм опереттэмкIэ и театрым и артистхэмрэ Спасскэ члисэ зэхуэхьэсам и щIалэгъуалэмрэ я «Наши любимые песни и стихотворения» творческэ пшыхьыр.
ЕтIуанэ концертым хьэщIэхэм папщIэ зыкъыщагъэлъэгъуащ театрым и уэрэджыIакIуэхэм, щоджэнхэм, Псыхуабэ и чристэн щIалэгъуалэм. Артистхэмрэ кърихьэлIахэмрэ фIэхъус ярихащ Спасскэ члисэ зэхуэхьэсам и щоджэн Копач Пётр, уэрэд зыбжанэ зыгъэзэщIар. Творческэ пшыхьым зыкъыщигъэлъэгъуащ къардэн нэхъыжь Кубэ Димитрий. КърихьэлIахэм фIыщIэ хуащIащ къызэгъэпэщакIуэхэм икIи пшыхь гуапэм папщIэ.