2021 гъэм фокIадэм и 20-м, Тхьэм и Анэм и Хъуромэ махуэшхуэм, Псыхуабэ, Черкесск щIыналъэхэм я архиепископ Феофилакт махуэшхуэ тхьэлъэIур Псыхуабэ и Спасскэ кафедральнэ члисэ зэхуэхьэсам щригъэкIуэкIащ. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Пастыр нэхъыщхьэм и гъусэу къулыкъур ящIащ Псыхуабэ щыпсэухэмрэ зыгъэпсэхупIэм и хьэщIэхэмрэ.
Щихънагъым къулыкъур иригъэкIуэкIащ, тхьэлъэIум хэтхэм Инджылым къеджа нэужь захуигъэзащ икIи фIэщхъуныгъэ зиIэхэм гъэнэхуа дагъэ ящихуащ. Апхуэдэу Щихънагъым Ставрополь духовнэ семинарием и IV курсым щIэс Саенкэ Даниил хиротесие, иподиакон къулыкъухэр ирищIэкIащ.
2021 гъэм фокIадэм и 21-м, махуэшхуэм, архиепископ Феофилакт тхьэлъэIу литургие щригъэкIуэкIащ Бекешевскэ станицэм Тхьэм и Анэм и Хъуромэ члисэм. Щоджэн нэхъыщхьэм къулыкъур дригъэкIуэкIащ Псыхуабэ епархием Кисловодск окургым щиIэ къудамэм и щоджэнхэм благочиннэ щоджэн нэхъыжь Знаменский Иоаннрэ къардэн Копач Петррэ я пашэу. Пастыр нэхъыщхьэм и гъусэу Тхьэ елъэIуащ къэзакъхэмрэ станицэм щыпсэухэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм и Анэр игъэлъэпIащ, фIэщхъуныгъэ зиIэхэм узэщIыныгъэкIэ захуигъэзащ.