2021 гъэм бадзэуэгъуэм и 12-м Псыхуабэ и Покров члисэм и Успенскэ Второафонскэ Бештаурскэ цIыхухъу къулъшырыфым дунейм ехыжа архимандрит Иоанн (Мирошников) и кхъащхьэм деж тхьэлъэIу щрагъэкIуэкIащ, илъэс 65-рэ и пэкIэ дунейм ехыжар.
Къулъшырыфым и щоджэнархимандрит, Псыхуабэ, Черкесск щIыналъэхэм я архиепископ Феофилакт и арэзыныгъэкIэ къулыкъур иригъэкIуэкIащ иеромонах Михаил (Гичко), щоджэн нэхъыжь Симанович Олег, Псыхуабэ члисэ округым и благочиннэ, Покров члисэм и унафэщIым; иеромонах Елевферий (Казаков), къулъшырыфым и благочиннэр; щоджэн Калинин Евгений, члисэм и щоджэн икIи къардэн нэхъыжь Иоанн (Галумов), къулъшырыфым щыIэр щIыгъуу. Щоджэнхэм удз гъэгъахэр тралъхьащ Иоанн и кхъащхьэм.
ТхьэлъэIу нэужьым благочиннэм къулъшырыфым щыIэхэм фIыщIэ яхуищIащ зэгъусэ тхьэлъэIум папщIэ икIи къыхигъэщащ Иоанн къулъшырыфымрэ Покров члисэмрэ псэкIэ пыщIэныгъэ зэрыхуиIэр.
Схимандрит Иоанн и фэеплъыр тхьэлъэIукIэ ягу къагъэкIыжыну зэхуэсащ Кавказым и Минводы фIэщхъуныгъэ зиIэ и цIыхухэр.
***
Схимандрит Иоанн (Мирошников) Кавказым къэIэпхъуащ XX лIэщIыгъуэм и пэщIэдзэхэм Афоным и монаххэм я гъусэу, Бештау бгым къулъшырыф щаухуэн папщIэ. Иоанн схииремонах Герасим и дэIэпыкъуэгъуу щытащ, Второафонскэ къулъшырыфыр къызэзыгъэпэщам, 1914 гъэм ар унафэщIу хахащ. Иоанн къулъшырыфым 1920 гъэ пщIондэ и унафэщIу щытащ. Къулъшырыфыр зэхуащIыжа нэужь щоджэным къулыкъу щищIар Псыхуабэ и Покров члисэрщ, 1948 гъэ пщIондэ унафэщIу щылэжьар.