Ставрополь къэрал пединститутым ЕссэнтIыгу къалэм щиIэ къудамэр къэзыухахэм дипломхэр иратыжащ. IэщIагъэлI ныбжьыщIэхэм СГПИ-м и президент Редько Людмилэ зыхуигъэзащ хъуэхъукIэ икIи хьэщIэ лъапIэхэми абы пащащ. Пшыхьым къыщыпсэлъащ Псыхуабэ епархием и ЕссэнтIыгу округым и екIуэлIапIэхэм я благочиннэ щоджэн нэхъыжь Еланцев Сергий.
Благочиннэм еджапIэр къэзыухахэм Псыхуабэ, Черкесск щIыналъэхэм я архиепископ Феофилакт къыбгъэдэкI хъуэхъур ялъигъэIэсащ. Псом хуэмыдэу къыхигъэщащ еджапIэмрэ епархием и «ДыгъафIэ къалэ» центрымрэ зэрызэдэлажьэр, студентхэр абы практикэ зэрыкIуэр, ныкъуэдыкъуэхэм ядэлэжьэнымкIэ курсхэм зэрыщеджэр, егъэджакIуэ-волонтёру зэрылажьэр.
Дипломхэр щратыж пшыхьыр гукъинэжу екIуэкIащ икIи концерт ирагъэкIуэкIащ.