Чристэн Свято-Никольскэ классическэ гимназием щекIуэкIащ 11 классыр къэзыуххэм курыт еджапIэр къызэраухым щыхьэт техъуэ я аттестатхэр щратыж пшыхьыр. Школыр къэзыуххэр, адэ-анэхэр, егъэджакIуэхэр Кисловодск и Никольскэ члисэ зэхуэхьэсам щызэхуэсащ фIыщIэ тхьэлъэIум. Ар иригъэкIуэкIащ гимназием и унафэщI щоджэн нэхъыжь Знаменский Иоанн. ТхьэлъэIу уэрэдыр ягъэзэщIащ школыр къэзыуххэм. ТхьэлъэIу нэужьым аттестатхэр иратыжащ.
Аттестатхэр, Урысей Федерацэм и «За особые успехи в учении» медалымрэ Ставрополь крайм и «За особые успехи в обучении» дыщэ медалымрэ иратыжащ Землянская Лукэрэ Артемовэ Христинэрэ.
ЕджапIэр къэзыуххэм ехъуэхъуащ егъэджэныгъэмкIэ къалэ управленэм и IэщIагъэлI Милохин Александр икIи ныбжьыщIэхэм ехъуэхъуащ лъагъуныгъэмрэ фIэщхъуныгъэмрэ я гум щахъумэну, я нэхъыжьхэмрэ егъэджакIуэхэмрэ къратахэр.
Гимназием и унафэщIым еджапIэр къэзыуххэм иратащ гимназиер къызэзыгъэпэща – Псыхуабэ, Черкесск щIыналъэхэм я архиепископ Феофилакт икIи дэтхэнэми тыгъэ хуищIащ тхьэлъэIухэр къыщыхьа Библиер. Иоанн щIалэхэмрэ хъыджэбзхэмрэ ехъуэхъуащ Христос сыт щыгъуи ящIыгъуну, абы хэпсэукIыну, чристэн щIэныгъэр зэраIэм хуэфэщэну. Сабийхэр фIэщхъуныгъэм зэрыщIапIыкIымрэ гимназием и гъащIэм жыджэру зэрыхэтымрэ папщIэ унафэщIым еджакIуэхэм я адэ-анэхэм фIыщIэ тхылъхэр яритащ.
ИужькIэ еджапIэр къэзыухахэм егъэджакIуэхэмрэ адэ-анэхэмрэ я гъусэу махуэшхуэм щыпащащ гимназием и актовэ пэшым, концерт мыин щекIуэкIам. Махуэшхуэм и гуфIэгъуэр зэдагуэшыну мы гъэм зэхуэсащ адэ-анэхэр, егъэджакIуэхэр, гимназием и Попечительскэ советым хэтхэр, еджапIэр къэзыуххэм ехъуэхъуахэр. Гимназием и унафэщIым хьэщIэхэм фIыщIэ яхуищIащ икIи «За жертвенную любовь и помощь гимназии» фIыщIэ тхылъыр яритащ.
ГуфIэгъуэ Iыхьэ нэужьым Попечительскэ советым и зэIущIэр зэхэтащ. Абы щытепсэлъыхьащ къапэщылъ ремонтым материально-техникэ щытыкIэр зэрырагъэфIэкIуэнум, гимназием и илъэс 30-р зэрагъэлъэпIэнум.