2021 гъэм мэкъуауэгъуэм и 22-м, Тхьэнапищ махуэшхуэм и ещанэ махуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ КъБР-м и Совхознэ къуажэм и Свято-Троицкэ Серафимовскэ цIыхубз къулъшырыфым. Пастыр нэхъыщхьэм IущIащ къулъшырыфым и шыпхъухэм монахиня Тамарэ (Ушаковэ) я пашэу.
Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Налшык члисэ округым и щоджэнхэм щоджэн нэхъыжь Бобылев Валентинрэ къардэн нэхъыжь Кубэ Димитрийрэ я пашэу. Щихънагъым и гъусэу Тхьэ елъэIуащ епархием и цIыхубзхэм я къулъшырыфым щыIэхэр, КъБР-м, Кавказым и Минводы и къалэхэм къикIыу щIыналъэ лъапIэм Тхьэ елъэIуну къэкIуахэр.
Литургие нэужьым архиепископ Феофилакт зэгъусэ тхьэлъэIур иригъэкIуэкIащ, къулъшырыфым и япэ игумение Антоние (Бобылевэ) и псэр зэгъэн папщIэ къулыкъур игъэзэщIащ икIи фIэщхъуныгъэ зиIэхэм узэщIыныгъэкIэ захуигъэзащ. Махуэшхуэр и кIэм щынэблагъэм зэгъусэу сурэт зытрагъэхащ.