2021 гъэм мэкъуауэгъуэм и 12-м Кисловодск къалэ-зыгъэпсэхупIэм щагъэнэхуащ псынэпсхэр.
Кавказым и Минводы псынэпс къыщIэжыпIи 130-рэ иIэщ. 2011 гъэм, Псыхуабэ, Черкесск щIыналъэхэм я архиепископ Феофилакт и жэрдэмкIэ, гъэ къэс гъэмахуэм и пэщIэдзэм КМВ-м и зыгъэпсэхупIэ къалэхэм псынэпсхэр щагъэнэху.
Кисловодск и Никольскэ члисэ зэхуэхьэсам и тхьэлъэIу литургие нэужьым Псыхуабэ епархием и Кисловодск округым и благочиннэ щоджэн нэхъыжь Знаменский Иоанн я пашэу къэзакъхэр, гимназием и гъэсэнхэр, зыгъэпсэхупIэм щыпсэухэмрэ и хьэщIэхэмрэ зэгъусэ тхьэлъэIукIэ тхьэлъэIу уэрэдхэр жаIэурэ зыгъэпсэхупIэ паркым щыщIадзэри Нарзан къыщIэжыпIэм нэс кIуащ, тхьэлъэIу щекIуэкIа щIыпIэм.
КМВ-м и Нарзанннэ галерее нэхъыщхьэм и бюветыр щоджэнхэм ягъэнэхуащ, зэгъусэ тхьэлъэIукIэ щихъ Александр и члисэ цIыкIум, къалэм и хъумакIуэ – щихъ Николай и скульптурэ теплъэм нэс кIуащ.
Урысейм и махуэм щоджэнхэм бюветхэмрэ къалэм и псы щIэжыпIэхэмрэ ягъэнэхуащ. Къалэ-зыгъэпсэхупIэм щыпсэухэмрэ абы и хьэщIэхэмрэ я зэхуэдэ махуэшхуэ хъуащ ар.