2021 гъэм мэкъуауэгъуэм и 3-м илъэс 500 ирикъуащ Москва Махьмэт-Джэрий хъаным и дзэ къытеуам къызэрыIэщIагъэкIыжрэ. Тхьэм и Анэм и Владимирскэ тхьэнапэм къыбгъэдэкIыу 1521 гъэм мэкъуауэгъуэм и 3-м къэхъуа телъыджэр лъабжьэ хуэхъуащ теплъэм и фэеплъыр гъэлъэпIэным.
Махуэшхуэм Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Новопавловск къалэм Тхьэм и Анэм и Владимирскэ тхьэнапэм и члисэм. Щоджэн нэхъыщхьэм къулыкъур драгъэкIуэкIащ Новопавловскэ члисэ округым и щоджэнхэм благочиннэ щоджэн Гордин Александррэ къардэн Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ къэзакъхэр, къалэдэсхэр, благочинием и щIалэгъуалэ центрым жыджэру хэтхэр.
Литургие нэужьым Щихънагъым зэгъусэ тхьэлъэIур иригъэкIуэкIащ, Тхьэм и Анэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ тхьэлъэIум хэтхэр фэеплъ концертым ирагъэблэгъащ, Iэнэм ягъэтIысащ.