2021 гъэм накъыгъэм и 21-м Черкесск щекIуэкIащ Кавказ зауэр зэриухрэ илъэси 157-рэ зэрырикъум и фэеплъ пэкIу. ПэкIум хэтащ: КъШР-м и ЦIыхубэ Зэхуэсым и спикер Иванов Александр, республикэм и Правительствэм и унафэщI Озов Аслан, Правительствэм хэтхэр, КъШР-м и къалэхэмрэ районхэмрэ я унафэщIхэр, республикэм и муфтий Бердиев Исмэхьил-хьэжы, Псыхуабэ епархием и Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр, республикэм щыпсэухэмрэ абы и хьэщIэхэмрэ. Щоджэным Кавказ зауэм хэкIуэдахэм «МыкIуэдыжын фэеплъ» зэраIэр къыхигъэщащ, республикэм щыпсэухэм мамырыгъэрэ узыншагъэрэ яIэну ехъуэхъуащ. Фэеплъ пэкIу нэужьым абы хэтахэм удз гъэгъахэр тралъхьащ Кавказ зауэм хэкIуэдахэм я фэеплъ КъШР-м и къалащхьэм щыIэм.