Щихъ, Кавказскрэ Черноморскрэ я щихънагъ Игнатий дунейм щехыжа махуэм, Къэбэрдей-Балъкъэрым ягу къыщагъэкIыжащ Тырныауз къалэм и Георгиевскэ члисэм и япэ унафэщI щоджэн Розин Игорь дунейм зэрехыжрэ илъэс 20 зэрырикъур.
2021 гъэм накъыгъэм и 13-м Налшык члисэ округым и щоджэнхэм благочиннэ щоджэн нэхъыжь Бобылев Валентин я гъусэу Тырныауз тхьэлъэIу литургие щрагъэкIуэкIащ. Бэлыхь телъу яукIа Игорь теухуа псалъэ гуапэ куэд жиIащ архимандрит Лев (Ахидов), щоджэныр фIыуэ зыцIыхуу щытар.
Литургие нэужьым екIуэлIапIэм кIуэхэмрэ щIыналъэ лъапIэм Тхьэ елъэIуну кIуахэмрэ Тхьэ щелъэIуащ дунейм ехыжа Игорь и кхъащхьэм деж. Зэхыхьэм хэтащ яукIа щоджэным и къуэ Илия.